Баткен облусунун Кызыл-Кыя шаардык сотунда Кызыл-Кыя шаардык сотунун төрагасы Манасбек Дарманкулов, судья Назгүл Моютова, Кызыл-Кыя шаардык ички иштер бөлүмүнүн жана шаардык прокуратурасынын өкүлдөрүнүн катышуусунда жыйын болуп өттү.

Жолугушуунун жүрүшундө төрага Манасбек Дарманкулов шаардык сот тарабынан каралып жаткан укук бузуулар жөнүндө иштердин жыйынтыгы боюнча статистикалык маалыматтарга токтолуп, протоколдорду кайтарып берүүнүн айрым себептерин белгилеп өттү. Ошону менен бирге, милиция кызматкерлерин протоколдорду туура толтурууга жана далилдерди чогултуунун толуктугуна өзгөчө көңүл бурууга чакырды.

Судья Назгүл Моютова жыйындын катышуучуларын жашы жете электер арасындагы укук бузуулардын алдын алууга чакырып, ошондой эле укук бузуулар боюнча материалдарды сотко берүү мөөнөтүн сактоону белгилеп өтту.

Жыйындын соңунда катышуучулар укук бузуу материалдарын толутурууда жана сотко даярдоодо пайда болгон айрым суроолор боюнча пикир алмашышты.