Баткен облустук сотунда, облустун райондук жана шаардык сотторунун бөлүм башчылары жана ага катчыларынын катышуусунда Кыргыз Республикасынын Жогорку сотунун жана жергиликтүү сотторунун иш алып баруусу жөнүндө нускамага ылайык иш жүргүзүүгө багытталган иш-чара болуп өттү.

Жыйындын жүрүшүндө, Баткен облустук сотунун төрагасы Алмазбек Апышев мамлекеттик кызматкер өзүнүн кызматы боюнча жүктөлгөн милдеттерин так жана өз убагында аткаруу менен бирге, Кыргыз Республикасынын мамлекеттик жарандык кызматчыларынын этика кодексинин талаптарын так сактоого милдеттүүлүгүн белгилеп, кызматкерлер арасында ар кандай терс көрүнүштөрдүн алдын алуу жана болтурбоо маселелери боюнча эскертти.

Мындан сырткары, соттордун ишмердүүлүгүн баалоо максатында областын район шаардык сотторунда QR-коддор орнотулуп, жарандар сот тармагындагы бардык иш-аракеттерге, сот кызматкерлеринин мамилесине, соттордогу түзүлгөн шарттарга карата өз пикирлерин билдирип жатышкандыгын эске салып, сотко келген жарандардын кайрылуусуна тиешелүү түрдө сылык мамиле менен жооп берүүгө чакырды