Кызыл-Кыя шаардык сотунда Кыргыз Республикасынын Президентинин “Улуттук дем — дүйнөлүк бийиктик” уңгужолун ишке ашыруу алкагында иш-чара өткөрүлдү.

Иш-чарага Кызыл-Кыя индустриалдык-педагогикалык колледжинин директору, профессор, уңгужол кербенинин мүчөсү Миталип Тайыров катышты.

Миталип Тайыров өз баяндамасында “Улуттук дем – дүйнөлүк бийиктик” уңгужолунун мазмунуна кеңири токтолуп, анын мааниси, кыргыз элинин тарыхы, каада-салты, улуттук баалуулуктары жана мамлекеттик тилдин коомдогу орду тууралуу маалымат берди.

Ошондой эле, кыргыз тилин өнүктүрүү жана жаштардын улуттук аң-сезимин калыптандыруу боюнча маанилүү ой-пикирлер айтылып, сот кызматкерлеринин ортосунда кызыктуу суроо-жооптор менен коштолду.