Баткен облустук сотунун төрагасы Азамат Алдашов Кыргыз Республикасынын Президентинин Баткен облусундагы ыйгарым укуктуу өкүлү Мамыржан Рахимов менен Тажикстан Республикасынын Согди облусунун башчысы Раджоба Ахмадзоданын Гулистан шаарындагы расмий жолугушуусуна катышты.

Иш-чарага ошондой эле эки өлкөнүн күч түзүмдөрүнүн өкүлдөрү жана чек арага жакын райондордун жана шаарлардын жетекчилери катышты.

Жолугушууда чек ара аймактарындагы коопсуздук, кыргыз-тажик мамлекеттик чек арасын демаркациялоо, жергиликтүү маанидеги маселелерди ыкчам чечүү, ошондой эле маданий-гуманитардык, жаштар, спорттук жана экономикалык кызматташууну өнүктүрүү маселелери талкууланды.

Жолугушуу эки тараптуу кызматташтыкты бекемдөө жана чек ара аймактарында туруктуулукту камсыз кылуу үчүн маанилүү платформа болуп калды.